Каналы радыё » Белтэлерадыекампанiя

Каналы

15 лістапада 1925 года ў Мінску адбылося ўрачыстае адкрыццё шырокавяшчальнай радыётэлефоннай станцыі. Гэтым жа днём у 18 гадзін 30 хвілін у эфіры прагучалі словы: "Гаворыць Мінск!..". Так пачыналася гісторыя Беларускага радыё...
Сёння Беларускае радыё - гэта сучасная высокатэхналагічная структура, якая ўключае 2 агульнанацыянальныя каналы і 3 радыёстанцыi.

1 канал
"Візітная картка" Беларускага радыё - Першы нацыянальны канал - найбуйнейшы радыёканал Беларусі. У аснове вяшчальных прыярытэтаў - аператыўнасць, масавасць, даступнасць.

Радыё "Беларусь"
Радыё "Беларусь" з'яўляецца структурным падраздзяленнем Нацыянальнай дзяржаўнай тэлерадыёкампаніі Рэспублікі Беларусь. З 1985 года пачалося вяшчанне на нямецкай мове, а ў 1998 годзе радыёстанцыю пачулі на рускай і англійскай мовах. З 2006 года радыёстанцыя пачала вяшчанне на польскай мове.

Радыё "Сталіца"
З моманту свайго нараджэння - 21 верасня 1998 года - мы прытрымліваемся прынцыпу "Радыё "Сталіца" - наша радыё". Перад намі стаяла нялёгкая задача: стварыць дзяржаўную беларускамоўную радыёстанцыю, здольную канкурыраваць з дзеючымі недзяржаўнымі радыёстанцыямі.

Канал "Культура"
Канал "Культура" Беларускага радыё пачаў вяшчанне 1 студзеня 2002 года. У аснове яго канцэпцыі - ідэя папулярызацыі найлепшых дасягненняў нацыянальнай і сусветнай культуры.

Радыус-FM
Радыёстанцыя "Радыус-FM" упершыню з'явілася ў эфіры 12 ліпеня 2003 года ў 6 гадзін раніцы ў Мінску. На "Радыус-FМ" працуюць выключна прафесіяналы з велізарным вопытам работы, цікавыя і нестандартныя асобы.

Праекты

Першы Нацыянальны канал Беларускага радыё прадстаўляе новы інтэрактыўны Інтэрнет-праект - "RADIO.BY". Кожны тыдзень мы абмяркоўваем важнейшыя падзеі, што адбываюцца ў Беларусі і за яе межамі. Вы таксама можаце стаць удзельнікам нашай праграмы і выказаць свае думкі па самых актуальных праблемах у жыцці краіны і свету.

Больш падрабязна

Кожную нядзелю ў 18.00 на Першым Нацыянальным канале Беларускага радыё - публіцыстычная праграма "Помні імя сваё…". Гэта радыёсустрэчы праз дзесяцігоддзі франтавікоў, сваякоў, блізкіх людзей і проста старых сяброў.

На прыкладзе біяграфій удзельнікаў праграм мы даследуем лёсы грамадзян розных дзяржаў, сем'яў і нават цэлых народаў. Па матэрыялах пошукавых груп праводзім журналісцкія расследаванні.

Больш падрабязна